Құрметті ханымдар мен мырзалар!

«ҚазАгро» Ұлттық басқарушы холдингі акционерлік қоғамы атынан Сіздерді біздің сайтта құттықтаймын және біздің қызметімізге қызығушылық танытқандарыңыз үшін алғысымды білдіремін.

Бүгінгі таңда  біздің өмірімізге ақпараттық технологиялар күннен-күнге екпіндеп кіруде. Уақыттың талабына қарай «ҚазАгро» ҰХ» акционерлік қоғамының ажырамас бөлігі болып табылатын  Қазақстанның ауыл шаруашылығы саласының қызметі дүниежүзілік Интернет желісінде өзінің лайықты орнын табу үшін барлық мүмкіншілікті жасауға  біз өзіміздің күш-жігерімізді аямаймыз.  

Біздің сайтта Сіздер инвестициялық активтерді тиімді басқаруды және «ҚазАгро» Ұлттық басқарушы холдингінің құрамына кіретін акционерлік қоғамдардың корпоративтік мәдениетін дамытуды қамтамасыз ету жолымен Қазақстан Республикасының агроөнеркәсіптік кешенін дамытуды ынталандыру жөніндегі мемлекеттік саясатты іске асыру жөніндегі пайдалы ақпараттарды таба аласыздар.

Қазіргі уақытта «ҚазАгро» Ұлттық басқарушы холдингі» АҚ қарқындап дамуда. Мемлекеттік бюджеттен бөлінген қаражат және сырттан тартылған қаржы  республикамыздың  ауыл шаруашылығы салаларындағы жаңа объектілерге салынады. Осылайша агроөнеркәсіптік кешеннің  технологиялық  жарақтандыру, капитал салымы, шығаратын өнімінің сапасын аса жоғары деңгейге көтеруге  ықпал  жасалады.   

Мықты да бәсекеге қабілетті агроөнеркәсіптік  кешен игілік-ырыстың және Қазақстанның азық-түлік қауіпсіздігінің негізі болатынына,  ел экономикасының одан әрі дамуы мен әлемнің  дамыған 50 елінің қатарына  кіруге қажет шарттарының кепілі болатынына  мен  толық сенімдімін.

Асылжан Мамытбеков